على خاطر كل واحد فينا عندو كلمة يحب يقولها, حلمة يتمنى يحققها و لا موهبة يحب يطورها
على خاطر كل واحد فينا حبّ يجنّح و ما لقاش الفرصة الي يحكي فيها و يعبر, الي يبدع فيها و يصور, الي يتحرر فيها و يتكلم…
على خاطر فينا الي فدّ من منطق “تنفس, كول, ارقد” و يحب يخلق عالمو كيما يحبو هوّا موش كيما يحبّوهولو, و فينا لي تعب مل كلام و العياط و الصياح خاطر حتى حد ما سمعو, و فينا لي فكّر, تعب و كمّل, طاح و وقف و عاود و جرّب بش نجّم يخلق، و حتى حد ما عبّرو..
على خاطر في البيل الموازين الكلها تتقلب، حبينا بلمّتنا نكبّرو عايلتنا و خترنا إنّو نهار عيد الحب ، نهديو لكلّ واحد منكم فرصة إنّو يكون من الأوائل الّي يعرفو “BIL:LPBT” في دورتو الثانية، و يكون واحد من المتطوّعين إلي يعاونو نهار البيل. نهديولو فرصة إنّو يكون الكل في الكل, يحكي و نسمعوه, يحلم و نساندوه و يعبر و نقدّروه .. نهار عيد الحب نحبّوك و ديما نحبّوك، و نستنّاو فيك بش تجي و تعيش التّجربة الي في حدّ ذاتها عيد تثبت فيه حبّك لحلمتك !
على خاطر البيل هو الإيمان بقدرة كل واحد فينا على إنّو يطلع “Sur scène” و بفكرة ولا غناية ولا حتى ضحكة ينجم يبدل عقليّة.
على خاطر التغيير يبدا كان منّك، في اللمة بش تكون انت الي تتكلم و تعبّر على فكرة خبّيتها سنين و لا تحكي حكاية كانت عليك حمل رزين, في اللمة تنجم تغني ولا تشطح ولا تعزف ولا تقرا ولا تمثل.. عندك الحرية تعمل الي تحب عليه و الي تحلم بيه.. المسرح متاعك و الكلنا نسمعو فيك, بدّل حاجة من بلاصتك خاطرك تنجم!
كون حاضر في لمّتنا و كون انت ال”speaker” وال”public”، و ايجا معانا نهار السبت 14 فيفري في “404Lab – Agence Tunisienne d’Internet”
——————————————————————————-
Les tickets sont disponibles chez :
Alimi Inès : 53242732
Oumayma Bougassas : 52998963
Amal Makdouli : 20159962
Walid Slama : 99682256
Iheb Thouabtia : 20500520
Chedy Taamallah : 55260967
Prix du Ticket : 10dt
Les fonds collectés serviront à financer BIL:LPBT 2015