Domaines concernées par cet événement: Echanges culturels et 1 autre(s) domaines
يا سادة و يا مادة يدلنا و يدلكم ربي للخير و الشهادة ناوين على ربي جمعية تراثنا باش تحتفل كيما كل عام بلعيد الوطني للباس التقليدي التونسي الي يجي نهار سطاش مارس 2015 و باش يشاركونا في التنظيم كل من الجمعية الوطنية للابداع الثقافي و الجمعية التونسية للسيارات التاريخية ..
و بما انو نهار سطاش يجي بالاثنين باش نعملوالاحتفال متاعنا نهار الاحد يوم راحتنا , و كان كتب المكتوب باش نخرجو نهار خمسطاش بلبستنا التقليدية التونسية, الرجال بلبرنوس و الجبة و الشاشية القرمز على روسهو و النسا بالسفساري و الملية و العجار و الخامة و علاش لا القفطان و مريول فظيلة و الكوفية و كل ماهو تونسي…
و باش نعملو دولاشة من قدام جامع الزيتونة , نتعداو على الاسواق العربي و مبعد من باب بحر حتى لشارع لحبيب بورقيبة لين نخلطو للمسرح البلدي و نعملو وقفة مزيانة بلباسنا المزيان التونسي و نفرحو بهويتنا التونسية و بش نسميو فرحتنا هذه zine
” خرجة تونسية “