Domaines concernées par cet événement: Citoyenneté et gouvernance
السياسة -90 ؟
كوستيم و كارفات ؟ سرقة و كذب و تفليم ؟ قصّاص و بن تومية و عالشباب سكروا الثنيّة ؟
الشجرة و السلبي و الزير المتكي اللي لا يضحك لا يبكي ؟
و أحنا شبينا ؟ تي مانا قارحين و ايجابيين ! تي ماو فايقينيلها و ايجابيين وفاعلين موش فرايجية !!
و أهم حاجة قادرين … قادرين بش نبدلوا السياسة يالسياسة بالسياسة
اخطانا من السياسة بdress code و الكوستيم، اخطانا مالسياسة فالتلافز مانراو فيها كان الي الكهول و الشياب، هات نحكيوا سياسة على كيفنا و بطريقتنا، موزيكا على صلام Slam على ضحكة مع كاس تاي و حلو تونسي. سياسة مايحكيوا فيها كان الشباب من غير قيود. ماتكونش شجرة، ملي تتزرع ماتتحركش، تحرك. ماتكونش فكرون، بالصورة البطيئة كون سلاحف النينجا.
كون شباب، كون قادر
باش نتلموا و نعملوا قعيدة نهار 8 جوان في قاعة الحمراء باب دزيرة، باش يجيوا شباب و شابات امنوا برواحهم، اما قبل ما يأمنوا شكوا و خافوا و شعرة لا رخوا.. فما الي حس روحو صادم على جبل بقادومة، انتخابات بلدية و مترشحين و احزاب و ماكينات فلوس و اعلام و هو كيفاش باش يلقى فرصتو، فيهم الي عمروا ماعمل السياسة و لا عندو علاقة بالسياسة و لايحبها و لا اصلا قاريها، فيهم الي في حومتو ماكان يعرفوا حد و بدى من اقل مالصفر و ليوم لقى روحو رابح انتخابات بلدية مستقل و من غير ملايين تتصرف على حملات و شراء اصوات. و بعد هذا لقى روحو بمسؤولية كبيرة، مسؤولية اصوات تعطاتلو و ثقة ناس لازمو يحاقظ عليها.
شباب مستقل ربح احزاب و فك مقاعد باش يجي يحكيلنا على تجربتو و كيفاش خطرلو و ترشح.
بالسياسة BIL Siyessa بعد شقان الفطر 8 جوان 2018 نبداو التسعه و نص.
موزيكا، ضحكة، Slam، تاي اخضر بالنعناع و مقروض
للاتصال 53594361: او 94991258
سعر التذاكر: 8 دينارات
نقاط البيع:
مقهى السراجين – باب منارة
مقهى ليبرتي- لافايات
قاعة الحمراء – باب دزيرة
او كلمنا بالتلفون،
مرحبا مرحبا
#YouthCan #BILConference #BILsiyessa #BIL #BILTunisia