الشأن العام هو الي يلمنا لمجد مستورة عودة إلى الأجندة

“عشوية مع مجد مستورة بمناسبة صدور ترجمتو لكتاب فيليب دوجاردان “لاشوز بوبليك” للدارجة التونسية تحت عنوان “الشأن العام هو الي يلمنا
حكاية كتاب فيليب دوجردان “لاشوز بوبليك” مع تونس بدات عام 2015 وقتلي فرانسواز كوبا المخرجة المسرحية اقترحت على طلبة توانسة باش يقراووا النص هذا بطريقة مسرحية. والنص وهو عبارة على نص فلسفي مكتوب بطريقة شاعرية وتشبه للخرافة. تقرى النص باللغة الفرانسوية في تونس وفي فرانسا في إطار عروض من انتاج Les Plateaux France-Tunisie. مبعد فكرت فرانساز كوبا في ترجمة النص للدارجة التونسية واختارت مجد مستورة على خاطر كتب حاجات حلوة بالدارجة وعلى خاطر عمل تجربة هامة بعد الثورة مع مجموعة م الشباب الي مغرومين بالكتيبة بالدارجة، منهم أمين غربي وحمدي مجدوب. التجربة هاذي سماوها كلام الشارع.
من بعد ما اترجم نص فيليب دوجردان للدارجة تعملت ورشات قراءة مسرحية وتقرى النص في برشا بلايص في تونس. القراءات هاذي زادا من انتاج Les Plateaux France-Tunisie
اما الحكاية ما توقفتش عل القراية الشفوية : دار الجنوب أصدرت في ديسمبر 2017 النص باللوغتين، النص الأصلي بالفرانسوية وترجمتو بالدارجة.
لمتنا نهار السبت هي تقديم للكتاب وتفكير في الخدمة ع الترجمة للدارجة. مجد باش يكون معانا وباش تقدم الكتاب وتنشط الحوار قمر بن دانة وهي مؤرخة كتبت برشا في مسألة التاريخ الثقافي وكان عندها دور كبير في مغامرة مسرحة نص فيليب دوجادان في تونس وفي مغامرة الترجمة.