أنا يقظ تبحث عن شركاء عودة إلى الفرص

عندها عامين منظمة أنا يقظ بدات تخدم في برنامج دعم قدرات المجتمع المدني المحلي . البرنامج هذا اخترنالو اسم IASSIST وبدينا بالجهات، خدمنا مع جمعيات من 20 ولاية. في هالعامين ولاو عدنا أكثر من 40 شريك.

توّا برنامج IASSIST بش يشمل زادة الأربعة ولايات متاع تونس الكبرى. نتمناو عائلة الشركاء تكبر ويجيو معانا شركاء من ولايات بنعروس، أريانة، منوبة، تونس. المبادرة هذي ماهيش دورة تكوينية، ماهوش فقط برنامج تمويل، هو شراكة فعلية وفاعلة. لذا كان تلوج على دورة تكوينية وشهادة في الأخر، الإستمارة هذي موش ليك . أما كان جمعيتك مستعدة بش تتعب وتخدم على مجال الرقابة، المساءلة ومحاربة الفساد وتلوج على شراكة فعلية.. انت في البلاصة الصحيحة. أي واتش باش تساند الشركاء متاعها في ثلاثة مجالات: التكوين، المرافقة من أجل تحويل النظري إلى خطط عمل ومشاريع وبالطبيعة الدعم المالي