Exprimer mon avis

ورشة وعرض تقديمي #صلام_مجندر Retour vers les opportunités


Oxfam

Lance   Appel à candidatures

Échéance

10 Novembre 2019 Il y a 7 mois

Partager l'opportunité sur

Détails de l'opportunité

Régions concernées par cette opportunité: Tunisie

عمرك بين 15 و30 سنة، تكتب صلام بالتونسي وتحب تتعلم كيفاش تنجم تخلق نصوص ملتزمين بالمساواة وضد الكلام والممارسات إلي يرسخوا العنف الذكوري؟ النشاط هذا ليك!

منظمة أوكسفام، مكتب تونس، تطلق دعوة للمشاركة ضمن نشاط #صلام_مجندر في إطار حملة 16 يوماً من النشاط لمناهضة العنف القائم على أساس النوع الاجتماعي الي تبدا من 25 نوفمبر حتى 10 ديسمبر من كل عام. باش يتعمل هذا الناشط في واحدة من ديار الضيافة في تونس العاصمة من 29 نوفمبر إلى 1 ديسمبر2019 ويتكون من ورشة كتيبة متاع صلام مدتها نهارين وعرض تقديمي في النهار الثالث في قهوة ثقافية.

ممكن وصلت هوني على خاطر تأمن بالمساواة وإلا على خاطر غرامك بالصلام. تنجم تكون نهار من النهارات سمعت غناية تذم في النساء وقلقتك وإلا ما تقنعكش كيفاش يتحكى على الحب في الشعر والغنايات العاطفية. مهما كان السبب باش نحاولوا في النشاط هذا انو نفكروا مع بعضنا في اشكال تعبير اخرى. نحبوا خاصة نستغلوا الظروف هذي باش نفكروا في العلاقة الموجودة بين العنف ضد النساء والكلام في الفن.

العنف الجسدي هو نقطة من بحر العنف المسلط على النساء أما البحر معبي بالكلام والاحكام والتصرفات اليومية الي يعمقوا اللامساواة والهيمنة الذكورية ودونية النساء. كفنانين وفنانات علينا إنو نساهموا في تغيير الوضعية هذي. هذيكا علاش بالنشاط متاعنا نحبوا نواجهوا الأحكام المسبقة باش نبنيوا مجتمع متساوي وعادل يحترم حق النساء مهما كانت وضعياتهم في الكرامة وحمايتهم من التمييز المسلط عليهم على خاطرهم نساء، يغزرلهم المجتمع على انهم ناقصات عقل وقيمة حتى اذا كان في الظاهر يقول عكس هاذا .
يلزمنا نطوعوا الفن باش يكون أداة ملتزمة للنضال ضد الثقافة التمييزية ضد النساء الي يعلموهولنا ملي احنا صغار كيف يقولولنا الي الولاد قويين وشجعان ويلزمهم يعرفوا يخمموا ويقرروا ولا يبكيوا لا يوريوا ضعفهم، أمّا البنات يلزمهم يكونوا حنان ويصبروا ويكونوا فينو وعواطفهم هيا الي تغلب.

العنف الذكوري واللامساواة بين الرجال والنساء ظاهرة إجتماعية لازمنا نناضلوا ضدها كلنا مع بعضنا: الفن والأدب والثقافة وسيلة من وسائل النضال باش نعيشوا كلنا بكرامة واحترام.

L'opportunité a expiré

Cette opportunité n'est malheureusement plus disponible sur Jamaity. Visitez régulièrement la rubrique opportunités pour ne plus en rater.

Suivez Jamaity sur LinkedIn


Obtenez Jamaity Mobile dès maintenant

Jamaity Mobile Promo

Publié sur Jamaity le 9 octobre 2019


Découvrez encore plus d'opportunités sur Jamaity en cliquant sur ce lien.




Supporté par

Réseau Euromed Logo UE Logo