المجالات المعنيّة بهذا الحدث ترفيه ورياضة
كيما العادة و العوايد كلّ آخر نهار جمعة من كلّ شهر موعدنا يتجدّد في ثورة الدّرّاجين
إيجاو نهار الجمعة 28 أكتوبر 7 متاع الليل في باب بحر نطالبو بحقّنا في مدينة تحترم حقّ الدرّاجة في السّير بأمان. نقلبو موازين القوى لمدّة صغيرة نثبتو فيها لي البسكلات ماتعطّلش حركة السير في المدينة، بل تخلّيها أكثر انسيابيّة بسرعة تضمن سلامة المترجّل و تضمن المحافظة على المحيط.
هدفنا كيما كل مرة، نثبتو إلي عنا بلاصة فالكياس و لي كياس يرفعنا نحن و وسائل النقل الكل.
في ثورة الدّرّاجات ندعوكم تجيو، في خرجتنا نهار الجمعة تأكيد لي البسكلات وسيلة تنقّل ملائمة لمناطق العمران، ومطالبة ببنية تحتيّة مهيّأة ليها.
ماتنساوش موعدنا باش نتلمو 19:00 في باب بحر
