الحدث هذا هو عبارة عن مؤتمر باش نستمعو من خلالو لقصص نجاح بعض النساء التونسيات القائدات في مجال ريادة الأعمال إلي تغلبوا على المصاعب والتحديات إلي عرضوهم وهوما في طريقهم إلي النجاح وباش نوريو زادة إنو الجنس عمرو ما كان شرط أو قيد يمنعك من تحقيق أهدافك المهنية.
مش هذا كهاو، هدف من أهداف الحدث هاذا هو جمع تبرعات وتحقيق ايرادات باش نخصصوها لشراء أدوات مدرسية للصغيرات إلي مافيحالهمش وساعات يوصلوا يبطلوا من القراية على خاطر ماعندهمش كتاب ولا كراسة يقراو بها.
ومازال عندنا برشة مفاجآت أخرى ليكم.. شاركو معانا في هذا الحدث وكونوا مواطنات ومواطنين فاعلات وفاعلين في المجتمع.
وديمة خلي في بالك إنو كيف هي تستطيع، تونس لكل تولي تستطيع.
هي تنجم
تنجم تقدم بيك شوط كبير
تنجم توريك المستقبل كيفاش يصير
هي البسمة المفروشة
والضحكة المزيانة
هي الوردة المزروعة
والنوارة الفرحانة
تخدم و تقدم وتحاول تصلح
توصل و تجيب وكان لزم تجنح
ايجاو بحذانا..
شوفوا دورها الكبير و أفكارها الي تنير
«هي تستطيع» و إنت زادة تنجم
