نْحِب نَقرا عودة إلى الأجندة

مرسى الذويبة او الذروة ، منطقة ساحلية تابعة ولاية بنزرت ، بلاصة نائية منسية رغم بحرها المزيان وناسها الطيبين.
الصيف هذا مشينا وشفنا ناس تحت خط الفقر، منسيين ومغمورين بين الاجبال، مجموعة من العائلات مستحقة مساعدة ..الصغار تجي تعاونا، تهز معانا الدبش، تبيع في خبز الطابونة …كيف تسالهم شنوة يحبو يقلك : «نحب نقرا»…يخدم الصيف ويشقى باش يدبر حق العودة المدرسية …صغار لازمهم 20 كلم يوميا باش يمشي للمدرسة ويجي …
اقرب عطار بعيد 10 كلم
اقرب مكتبة في بنزرت والا ماطر
العائلات غادي ماعندهمش موارد رزق !!

«نحب نقرا » اقصى طموح صغيرات اعمارهم بين 6 و12 عام …
غادي ما فماش كياس، ما فماش نقل، عوامل جغرافية قاسية وعائلاتهم ما عندهمش الامكانيات، اولياء اغلبهم من ذوي الاحتياجات الخصوصية.
اليوم مع بعضنا، اليد في اليد باش نعاونو الوليدات هاذم ونسهلو عليهم قسوة الحياة باش عودتهم المدرسية تم في احسن الظروف.
مع بعضنا، نعاونو بعضنا ونفرّحو الصغيرات 😊
اذا تحب تعاون اتصل بينا على الرقم 27159195