Domaines concernées par cet événement: Droits de l’Homme et 2 autre(s) domaines
نهار 1 ديسمبر هو اليوم العالمي لمكافحة السيدا ، اخترنا نحتفلو بيه حتى و نحن في وضع صعيب و يلزمنا نردو بالنا على روحنا اكثر، و نحافظو على صحه الناس اللي دايره بينا،
اخترنا نكونو حاضرات و حاضرين باش نقولو لا للتمييز على الأشخاص المتعايشات و المتعايشين بفيروس، خاطر ليوم السيدا متقتلش قد ما يقتل التمييز و العنف ضد الأشخاص المتعايشات المتعايشين مع فيروس نقص المناعة البشرية.
نهار 1ديسمبر اخترنا نكونو متواجدات و متواجدين في ساحة الشهيد محمد لبراهمي باش نقومو بدورنا في التوعيه و التحسيس خاطرنا نؤمن الي اي انسان عندو/ها الحق في الولوج للصحه من غير تمييز ، على خاطر القانون لازم يكون موجود باش يضمنلنا حقوقنا، موش يتعدي عليها.
ايجاو بالكمامة و الجال باش تقومو بالتحليل اللاسمي و المجاني، تعرفو اكثر على فيروس نقص المناعة البشرية و كيفاش نحميو روحنا منو، و كيفاش نكونو أشخاص فاعليات و فاعلين باش نحدو من انتشارو، و نتضامنو مع الأشخاص المتعايشات و المتعايشين مع الفيروس.
تستنى فيكمن برشا حاجات اخرين، نستناوكم نهار 1 ديسمبر في ساحة الشهيد محمد لبراهمي .
