المجالات المعنيّة بهذا الحدث فنون/ثقافة
و كانكم تحبو تزيدو تفهمونا و تطلعو طموحاتنا و تشجعونا ،، نهارسبت 3 جوان شرفونا و فرحونا ، و احنا زادة بش نظيفوكم و بغناء انيس علوي نودوكم ،، نحبو في عالمنا نعيشوكم و من افكارنا نعطيوكم ،، ايجا معانا احكيلنا حكاية و الا اقرالنا فقرة عجبتك من رواية ، انت مغروم ؟ علاه تقرا في بيتك مغموم دايرة بيك الحيوط ،، ايجا ،، ايجا ورينا موهبتك ،، ايجا كلمة كلمة جملة جملة فقرة فقرة نثقفو بعضنا ،، نشاركو بعضنا كل ما يفيد ،،.. وبش نزيد نودكم ب اية رياحي و اية بن منصور و روعة خويلدي الي بش يبهروكم ، و في عالمهم بش يدخلوكم ،، هو كلامهم كلام كبار و في معناه يوفى لحبار ،، اما هوما بنات صغار يديهم تكتب و مخاخهم شاعلة فيها النار يحكيو علا خنار ينجم يعيشو اي عبد منا يفهموكم و احساسهم يوصلولكم وزادة عنا ضيفة شرف صديقتنا الكاتبة غادة بن صالح مع مولودها الجديد Dourine دورين،، شفتو جمعية اليد في اليد باش بش تودكم ؟ هي الي نظمتلكم اللمة و جابت احلى ما فما ،،، أما مننساوش إلي هدف من لمة هذي التحفيز على المطالعة و القراءة و فتح مكتبات عمومية بكل منطقة بتونس ..
يد يد نبنيو تونس جديدة …
ميسالش قص من مصروفك و ميسالش زادا هات كتاب قديم قريتو حط قصة فوق قصة و كلمة بجنب كلمة حط كتاب في يدك و ايجا دق عقل طفل صغير حطلو اكبر حلمة بها يبني احلى دنيا ملا نستناوكم
Nos partenaires :
– Association Tunsienne Patrimoine et Environnemnt (ATPE)
– Le centre National de communication Culturelle