المجالات المعنيّة بهذا الحدث حماية/ النهوض بالتراث
يا سادة و يا مادة يدلنا و يدلكم ربي للخير و الشهادة ناوين على ربي” جمعية تراثنا “باش تحتفل كيما كل عام بالعيد الوطني للباس التقليدي التونسي الي يجي نهار 16 مارس 2016 و باش يشاركونا في التنظيم كل من “الجمعية التونسية للسيارات التاريخية ” ”
و بما انو نهار 16 مارس 2016 يجي بالإربعاء باش نعملو الاحتفال متاعنا نهار الاحد 13 مارس 2016 إن شاء الله يوم راحتنا , و كان كتب المكتوب باش نخرجو نهار 13 مارس 2015 بلبستنا التقليدية التونسية, الرجال بالبرنوس و الجبة و الشاشية القرمز على روسهم و النسا بالسفساري و الملية و العجار و الخامة و علاش لا القفطان و مريول فظيلة و الكوفية و كل ماهو تونسي…وكيما نجحت التضاهرة عام ناول
باش نعملو دولاشة من قدام جامع الزيتونة , نتعداو على الاسواق العربي و من بعد باب بحر حتى لشارع الحبيب بورقيبة لين نخلطو للمسرح البلدي و نعملو وقفة مزيانة بلباسنا المزيان التونسي و نفرحو بهويتنا التونسية و بش نسميو فرحتنا هذه :
” خرجة تونسية “
