الخرجة التونسية 11″العيد الوطني للباس التقليدي” عودة إلى الأجندة

رمضان الاثنين 11 مارس
الخرجة التونسية 11 نهار 10 مارس
يا سادة و يا مادة يدلنا و يدلكم ربي للخير و الشهادة ناوين على ربي” جمعية تراثنا “باش تحتفل كيما كل عام بالعيد الوطني للباس التقليدي التونسي الي يجي نهار 16 مارس 2024و ” “
بما انو نهار 16 مارس 2024 يجي بنهار السبت و في شهر سيدي رمضان باش نعملو الاحتفال متاعنا نهار الاحد 10 مارس 2024 إن شاء الله يوم راحتنا و زيد ليلة شهر سيدي رمضان , و كان كتب المكتوب باش نخرجو نهار 10 مارس
نستقبلو زادا سيدي رمضان بلبستنا التقليدية التونسية, الرجال بالبرنوس و الجبة و الشاشية القرمز على روسهم و النسا بالسفساري و الملية و العجار و الخامة و علاش لا القفطان و مريول فظيلة و الكوفية و كل ماهو تونسي…وكيما نجحت التضاهرة عام ناول
باش نعملو دولاشة من قدام جامع الزيتونة , نتعداو على الاسواق العربي و من بعد باب بحر حتى لشارع الحبيب بورقيبة لين نخلطو للمسرح البلدي و نعملو وقفة مزيانة بلباسنا المزيان التونسي و نفرحو بهويتنا التونسية و بش نسميو فرحتنا هذه :
“98670793 خرجة تونسية “وباش تتصلو بينا و تزيدو تستفسرو