المجالات المعنيّة بهذا الحدث تبادلات ثقافية
بلادنا حلوة بلادنا مزيانة بلادنا نوارة مرصعة اليوم باش نمشيو في زناقيها و في شوارعها نملاو ساحاتها و أنهجتها و هاكا علاش ” لمتنا في حومتنا ” قعدة في وسط المدينة و باش نعاودوا نظموها كالعادة مع جمعية سوسة غدا في ساحة الدريبة قدام دائرة المدينة بجنب دار الشرع العزيزة, شقان فطر بين ناسنا و أمالينا لمة الأحباب و الأصحاب و العيلة نهار السبت يا سادة و يا مادى 18 ماي مع السبعة و نص كل واحد يجيب عشاه و صحابو و عيلتو و يشرفنا بحضورو بش نشق فطرنا مع بعضنا و نقسمو القدمة و كل قدير و قدروا و على خاطرنا حنان على بعضنا وعلى خاطر شي ما يفرقنا و ديمة يد وحدة بش نقسمو الضحكة و الفرحة بش نزهيو لمدينة ومالا متنساوش لمتنا مع بعضنا و ربي يحننا على بعضنا و لا يقطع لمتنا
الفكرة ساهلة و ما أحلاش منها العشاء إلي طيبتو بش تشق عليه فطرك جيبو معاك و ايجا شق فطرك معانا احنا زادة بش نجيبوا عشاواتنا و بش نشقو فطرنا مع بعضنا كيف تجي تلقى البنات و الأولاد محضرين القعدة العربي و الزرابي منصوبة إختار بلإصتك إنت و صحابك و نورنا بحضورك
#welovesousse
#wls4youth
