دارجة اللٌغة التٌونسيٌة Retour vers toutes les associations

نِتكَلَّم و نخَمِّم تُونسِي…نحِبّ نِكتِب بالتُونسِي، اللُوغَه متَاعِي و متَاع أَجدَادِي لدَّارجَه هِيَّ لُوغِتنَا التُونسِيَّه، إِلِّي تَحكِي وحَدهَا علَى التَارِيخ متَاعنَا. مِن عِلِّيسَه و قَرطَاج، نِتعَدَّاو عَالرُومَان و الوِندَال، لِلبِيزَنطِيِّين و العرَب، لُوغِتنَا هِيَّ تشَكشِيكَه حلُوَّه فِيهَا كِلمَات و قوَاعِد أَصلهَا بَربرِي، لَاتِينِي، طَليَانِي، فرَانسَاوِي و عَربِي… خَلطَه تُونسِيَّه مِزيَانه بَرشَا تفَسَّر تَفَتُّح الحَضَاره متَاعنَا الهَايلَه.

لوغتنا هيّا إلّي تجمع سكان لبلاد ، هيّا إلي تحكي على تاريخو ، بيها توصل قيمة ثقافة لبلاد. في تونس لوغتنا نحكيو بيها أثناش مليون تونسي ، أمّا اليوم هيّا لهجة ، موش معترف بها لوغة،هذاك علاش تكونت جمعية “دارجه” عام 2016 باش نوريو قيمة لوغتنا ونرجعولها بلاصتها إلّي تستحقها، باش نعملو ونقدمو ونشجعو إلّي خدمو وإلي يخدمو في اللّوغة التونسية، باش نوصلو للبونتو متاعنا لين تكون مكتوبة و لوغة معترف بيها بالقواعد متاعها و بالقاموس متاعها. كيما يقولو يد وحدة متسفقش، نحبو نلمو الشمل على كل إلّي يخدمو وإلّي يحبو يخدمو غلى إتونسي ونريقلو لبروسيسوس إلّي يعديه من لهجة إلّوغة يعترفو بيها في العالم لكّل ،لوغة تونسية للتوانسة لكل