Domaines concernées par cet événement: Protection / promotion du patrimoine
بلادنا حلوة بلادنا مزيانة بلادنا نوارة مرصعة جبينا بلادنا اليوم مستحقتنا بلادنا اليوم تحبنا نفرحوها و نمشيو في زناقيها و في شوارعها نملاو ساحاتها و أنهجتها و هاكا علاش ” لمتنا في حومتنا ” قعدة في وسط المدينة ساحة الدريبة قدام دائرة المدينة بجنب دار الشرع العزيزة شقان فطر بين ناسنا و أمالينا لمة الأحباب و الأصحاب و العيلة نهار السبت يا سادة و يا مادى 11 جوان مع السبعة و نص كل واحد يجيب عشاه و صحابو و عيلتو كان لزم و يشرفنا بحضورو بش نشق فطرنا مع بعضنا و نقسمو القدمة و كل قدير و قدروا و على خاطرنا حنان على بعضنا وعلى خاطر شي ما يفرقنا و خاطرنا ديمة يد وحدة بش نقسمو الضحكة و الفرحة بش نزهيو لمدينة و ما تحلى القعدة كان مع قهيوة من قهوه القصبة مخدومة مالا متنساوش لمتنا مع بعضنا و ربي يحننا على بعضنا و لا يقطع لمتنا
الفكرة ساهلة و ما أحلاش منها عشاك إلي طيبتو بش تشق عليه فطرك جيبو معاك و ايجا شق فطرك معانا احنا زادة بش نجيبو عشاواتنا و بش نشقو فطرنا مع بعضنا كيف تجي تلقى البنات و الأولاد محضرين القعدة العربي و الزرابي منصوبة إختار بلإصتك إنت و صحابك و نورنا بحضورك و كالعادة جونا وحدو و الله لا ييقطعلنا عادة
